No qewam Sêwêregê Riha de Mehlaya Yücelenî de amê meydan.

Goreyê melumatê ke ameyî gırewtene, otomobilê ke Mehmet Ali Sevincekî şuxulnêne (da xo dest) u rayîr de bi, tewfekê nêçîrî ra ateşte amê kerdene. Neticê hêrişî de M.A.S. yo 40 serrî u keyneka xo ya 11 serrî İ.S.S. otomobil de birîndar bîyî.

Ebqayê qewamî ra dima, ekîbê cendermeyan xebate da dest pêkerdene u no çarçewe de 5 gumanbarê ke ameyî zanayene eynî aile ra yê, ameyî destbendkerdene (çimsergirewtene). Gumanbarê ke karê înî yê cendermeyan qedîyayî, ameyî şawitene mehkeme.

Gumanbarê ke vejîyayî mehkeme ra 4 kesî ameyî tepiştene u şawitî zîndan. Gumanbarê bîn zî seba nêweşîya xo nêweşxaneyê Sêwêregî de tedawî beno u karê ci yê destbendkerdene dewam keno.

Eynî weqt de amê zanayene ke no qewam teqrîben 2 roje verê cuye mabenê bin de meselayê raydayîşî de sere da. Soruştrodo ke derheqê qewamî de dest pêkerdiyo, dewam keno.