Qezaya, serê rayê Siwêreg-Riha de kilometreye 5ine de saetanê şewe de ameye meydan. Goreyê melumatê ke ameyî girotene, Siwêreg ra şiynê Riha istiqamet, U.E. yo ke idare de bi u otobusê rêwiyan yê plaka 31 AVY 909 de bi, eynî istiqamet de şiyêne, otobusê rêwiyan yê F.P. idare kerd u plaka cı 62 AAE 162 bi, ra pey ra qewıtî.

Qezaya de şofero otobusi U.E. u merdımê ke otobusi de biyî M.T. (57), A.Ö. (32), M. (67), M.Ç. (63), A.Z.K. (63), F.G. (63), S.C. (46), E.C. (11), O.Ö. (65), U.A.D. (23), N.K. (44), Z.D. (60) u Ö.K. (65) bırîndar bıyî.

Sebebê xeberdarkerdene ra ekîbê weşîye ameyî caê qeza. Bırîndaran rê caê qeza de mudaxaleyê verên ame kerdene, dıma 14 kesî ameyî berdene nêweşxaneyê Siverekî u ameyî tedawîkerdene.

Eynî zemun de ame zanayene ke, otobuso ke plaka cı 31 AVY 909 o, rêwiyenê xo tede Teşkilatê Partiya AK ya Bahçeya Osmaniye ra yê, serrgêra 955ine ya Serkewtîşê Malazgirti re ameyî tewr biyene u ancayî ser o peyser şiyêne.

Qezayî ser o tahqîqat dest pê kerd.