Waliyê Diyarbekirê Huseyîn Aksoy li avahîya walîtîyê bi endamên çapemeniyê re hat ba hev dû û di derbarê operasyonên ku li navçeya Sûra Diyarbekirê berdewam dikin   de diyar kir operasyon li ber xelasbûnê ne û ji sedî 98ê Sûrê hatiye paqijkirin.

Aksoy di berdewama axavtina xwe de diyar kir bi bûyerên ku li navçê pêk hatine  maf û heqên mirovan hatine tinekirin û ew jî ji ber van sedeman û ji bona siwîl zirarê nebinin qedexeya derketina derve îlan kirine.

Walî Aksoy di derbarê axavtina xwe de diyar kir ji sedî 98ê Sûrê hatiye paqijkirin û wiha li axavtina xwe zêde kir: “ Heta niha 7 çal hatine girtin, 271 teqemenî hatine îmhakirin û 254 barîkat hatine rakirin.Li navçê ji bona kesên siwîl karibin werin heremên bi ewlehî anons tên kirin û korîdar tên vekirin.Di vê bergehê de gelek kesên siwîl hatin tahlîyekirin.”

ÎLKHA