Şewata ku li Ay Yapı Plazaya li ser Bulvara Laleşê ya Taxa Talaytepeyê ya navçeya Peyasa Diyarbekirê derket, bû sedema tirsê û panîkê. Tîmên îtfaîye di demeke kurt de midaxaleyî şewata ku di avahiya ku yekîneyên ticarî û ofîs tê de ne derket kirin.

Walîyê Diyarbekirê Murat Zorluoğlu ê ku hat cihê bûyerê, piştî agahiyên ku ji şaredarî û tîmên tenduristiyê girt di derbarê mijarê de daxuyanî dan.

Zorluoğlu ê ku diyar kir di serî de îtfaîyeya Bajarê Mezin, AFAD, tîmên tenduristiyê û ewlehiyê hemû sazî sewqî cihê bûyerê hatine kirin, weha got: "Her sazî di qada erka xwe de dest bi xebatê kir. Ji ber xebatên ku heta niha hatine kirin 5 welatiyên me ku 3 jê xebatkarên agirvemirandinê û 2 jê niştecîhên avahiyê ne ji şewatê bandor bûn. Hemû sewqî nexweşxaneyê hatin kirin. Şukur ji Xwedê re ku birîndarekî giran nîne. Hemû ji ber jehrîbûna dûmanê ne, rewşa wan a tenduristiyê di asta navîn de ye û tedawiya wan berdevam dike. Îtfaîyeyên me midaxaleyê berdewam dikin, bi piranî hat kontrolkirin."

Zorluoğlu ev îfade bi kar anîn: "Livir avahiyeke ku yekîneyên ticarî tê de hene. Ji ber vê yekê ji ber ku şewat di saetên dereng de derket, şukur ji Xwedê re ku niha di hundir de di çarçoveya agahiyên ku îtfaîyeyê dane me de tu welatiyekî me nemaye. Bi midaxalekirina beşa ku maye û kontrolkirina bi tevahî û kirina xebatên sarbûnê re ev meseleya livir dê bête çareserkirin. Xwedê ji ya xirabtir biparêze. Em ji bo hemû hevwelatiyên xwe yên Diyarbekirî û welatiyên me yên ku ji dûmanê bandor bûne re dibêjin derbasî bibe."