Derket holê ku Îsraîla çeteya terorê, li Filistîniyên ku pey êrîşên li ser Ğezzeyê hatine desteserkirin îşkence kiriye.
Wezareta Hêsîrên Filistînê bi beyanateke nivîskî cî da îfadeyên 2 Ğezzeyiyan. Ji Hûzaaya beldeya Xan Yûnûsê Mumîn Xalid Xelîl en-Neccarê 33 salî û Îsa Xelîl Muhemmed en-Neccarê 37 salî di 23ê Temûzê de hatibûn desteserkirin. Parêzer Kerîm Acwe her du kes ziyaret kir. Hat îfadekirin ku lêdaneke fecî li herdu kesan hatiye kirin.
Herdu kesan wiha beyan kir:
“Danê sibehê eskerên îşgalker girtin ser malên me. Bi alîkariya kûçikên polîs di nav enkazan de, digel me gelek ciwan jî binçav kirin. Ewilî birin devereke nediyar û paşê birîn hepsa Aşkelonê .”
Wezaretê gazî hemû saziyên heqên însanan kir ku rewşa hêsîrên Ğezzeyî yên marûzî îşkenceyê bûne teqîb bikin.
Wezaretê do di beyanê de îfade kiribû ku ji 7ê Temûzê vir ve bi sedan filistînî, ji aliyê Îsraîla siyonîst ve hatine binçavkirin.

Çınarın Sesi