Sê sal li ser wefata Mele Mustafa Durgun derbas bûn, ku tevahiya jiyana xwe ji bo xizmeta Îslamê feda kir û heta wefata xwe li medreseyan xwendekaran perwerde kir.

Mele Durgunê rehmetî, endamê Îttîhadul Ulema ku bi xizmetên xwe yên Îslamî û jiyana xwe ya mînak bi rehmet dihat bîranîn, ji ber pirsgirêkên tenduristiyê yên ku di rojên xwe yên dawî de pê re rû bi rû ma, li Nexweşxaneya Perwerde û Lêkolînê ya Gazî Yaşargîl a Dîyarbekirê dihat dermankirin. Durgunê ku temenê xwe yê nêzîkî 74 salan ji bo xizmeta Quranê û perwerdekirina ciwanan feda kir, li nexweşxaneya ku lê dihat dermankirin canê xwe ji dest da.

Di salvegera 3yemîn a wefata Mele Durgun de, xwendekar û hevalên wî li Goristana Nûjen a Yeniköy a li navçeya Rezan a Dîyarbekirê li ser gora wî kom bûn û bernameyek bîranînê li dar xistin.

Bernameya bîranînê ku bi xwendina Yasîn-î Şerîf dest pê kir, axaftineke kurt û hestiyar ji aliyê Mele Mehmet Şenlik, hevkarê nêzîk ê rehmetî ve hate kirin. (ÎLKHA)