Heyeta Filistînê ya ku ji bo agirbesteke daimî li Qahîreyê muzakereyan dimeşîne, ji bêencambûna muzakereyan, Îsraîla rejîma terorê mesûl dît.

Endamê heyeta Filistînê Xelîl Hayya got ku ji ber tewra leqokî ya Îsraîla siyonîst, muzakere naçin serî, lê hê siûdek heye. Hayya da zanîn ku rejîma terorê di helwesta xwe ya leqokî de bûye pispor, ji ber vê yekê muzakere bi te’b û tîr dimeşîn.

Xelîl Hayya destnîşan kir ku wê ji daxwazên meşrû yên xelkê Filistînê tu tawîzê nedin û hevdîtin bi 4 daxwazên sereke tên domandin ku daxwaz jî ev in:
Bila êrîşên Îsraîla siyonîst bên sekinandin, ambargoya li ser Ğezzeyê daimî bê rakirin, Filistîn xwediyê lîman û firogehê be, hemû heqên xelkê Filistînê yên ku ji wan hatine stendin bên dayîn û Ğezze ji nû ve bê avakirin.

Her wiha Hayya beyan kir ku heyeta Filistînê ya ku ji hereketên Hamas û el-Fetîhê pêk tê, yekîtiya xwe parastiye û îfade dikin ku wê tu lihevkirina ku daxwazên xelkê Filistînê pêk nayne qebûl nekin.

Xelîl Hayya da zanîn ku di heqê deriyê sînor ê Refahê de, ji Misrê sozên erênî hildane û wê lihevkirineke ku hêviyên xelkê Filistînê pêk bîne bê rastkirin.

Çınarın Sesi