Hat ragihandin li Bidlîsê banê kafeyekê ji ber berfa ku ji ser avahîyê ket hilweşîya, di encama bûyerê de kesek jiyana xwe ji dest da û 7 kes jî birîndar bûn.

Li gorî agahîyên ku hatine wergirtin bûyer derdora seat 13.20an de li Bidlîsê pêk hat. Berfa ku li ser avahîya 5 qetî ket li ser banê kafeyekê û banê kafeyê hilweşîya. Di encama bûyera ku pêk hat de Tayfun Sulakê 22 salî jiyana xwe ji dest da û 7 kes jî birîndar bûn.

Derbarê mijarê de ji teref Walîyê Bidlîsê ve daxuyanîyek hat dayîn. Walîyê Bidlîsê Oktay Çagatay di daxuyanîya ku da de destnîşan kir di encama bûyera ku pêk hat de welatîyekî jiyana xwe jiyana xwe ji dest da û 7 jî birîndar bûn.

Walî di berdewama daxuyanîya xwe de diyar kir ji 7 kesên ku birîndar bûne 3 kes leşker in û rewşa birîndaran tevan baş e.

ÎLKHA