Bi Bendeva Ilisu ya ku tê çêkirin dê Heskîfa ku xwedîyê dîrokeke 12 hezar salane ye bê wêrankirin. Ji wêrankirina Heskîfa qedîm re rojên jimartî man. Heskîfa xwedîyê dîrokeke dewlemend e di van rojên dawî de ji geştîyar û ziyaretvanên xwe yên dawî re mazûvantîyê dike.

Geştyar û ziyaretvanên ku tên serdana Heskîfa rengîn û şênîyên ku lê dikandarîyê dikin dibêjin ji ber ku Heskîfa dîrokî di bin avê de tê hiştin û wêrankirin ew mehzûn in, Heskîf bo bendaveke 50 salane divê neyê wêrankirin.

Ziyaretvan, geştyar û dikandar hest û ramanên xwe yên derbarê wêrankirin û hilweşandina Heskîfê de ji ÎLKHAyê re wiha anîn zimên:

Kenan Çelebî: Em mîraseke dîrok, ya ku ji teref  temamê dinyayê ve tê zanîn di bin avê de dihêlin.Di bin avê de mayîna nirxeke wisa bi rastî jî min xemgîn dike.

Suheyp Kurt: Heskîf, sembola xelkê herêmê û erdnigarîyê ye. Em dijber in ku berhemên me yên manewî û çandî bên wêrankirin.

Bawer Gultekîn: Biya min çêkirina bendavê ya li Heskîfê dûrî aqilan û beredayî ye. Lewra bendava ku dê bê çêkirin herî zêde 50 salan dixebite. Divê dîrokeke ew qas dewlemend bo 50 salan neyê wêrankirin.

Dikandar Îrfan Marangoz: Em ê piştî mehekê ji vir derkevin. Em pir xemgîn in. Ew ê bo bendaveke 40-50 salane ev der bên valakirin. Divê rayedarên dewletê bo vê yekê poşman bibin.

ÎLKHA