Di xutbeya ku di nimêja cejnê de bal hat kişandin ser birayîtiyê de hat diyarkirin ku cejn deriyekî wesîleyê ye ji bo dawîkirina xeyidandin û silbûnan; her weha li gel seredana xizman (sila-i rahim) bal hat kişandin ser parastina xatirê cîran û dostan jî.

Diyarbekiriyên ku piştî nimêja sibê di bin tekbîrên teşrîqê yên ku li çar aliyê bajêr olan didan (deng vedan) de, ji bo bi cih anîna nimêja cejnê berê xwe dan mizgeft û mescîdan, di serî de Mizgefta Mezin a dîrokî tije kirin.

Diyarbekiriyên ku di tîrêjên pêşîn ên sibê de li mizgeftan civiyan, ji bo nimêja cejnê sef girtin.

Piştî nimêja cejnê ya ku di bin pêşengiya (îmametiya) Îmam Xetîbê Mizgefta Mezin Hidayet Yılmaz de hat kirin, xutbe hat xwendin.

Yılmaz ê ku xutbeya xwe bi selat û silavên li ser Pêxemberê me dest pê kir, behsa heciyên ku ji bo bi cih anîna îbadeta hecê çûne ser axa pîroz kir û got: "Îro Cejn e… Roja tewhîd û wehdetê (yekîtiyê) ye ku tê de mûmînên ji çar aliyê cîhanê hatine û li Arafatê sekinîne, bi heman hest û kelecanê li dor Kebeyê tewaf dikin. Roja zindîkirina (îhyakirina) hedîsa pîroz a Pêxemberê me yê Xoşewîst (s.a.v) e ku dibêje: 'Îro karê me yê pêşîn, kirina nimêja cejnê ye, paşê vegeriyan û serjêkirina qurbanê ye. Kî ku weha bike, li gorî suneta me tevgeriyaye.' Îro roja serjêkirina qurbanên me ya bi besmele, tekbîr û duayan e; roja parvekirina bi birayên xwe re, nêzîkbûna li Rebbê me û girtina hişmendiya teqvayê ye."

Yılmaz di xutbeya xwe de, di van rojên ku cudahiyên ji ber pevçûnên mezhebî derdikevin pêş de, peyama birayîtiyê da û van îfadeyan bi kar anî: "Niha dema jiyandin û gihandina nirxên me yên neteweyî û manewî ye ku me dikin em û me dikin milet. Li gorî şîreta Şandiyê Xwedê a ku dibêje: 'Ey mirovno! Silavê di nav xwe de belav bikin, xwarinê bidin xwarin, hiqûqa xizmtiyê biparêzin' tevgerîn e û bi saya seredana xizman (sila-i rahim) nêzîkkirina dûrûdirêjan e. Dema girtina duayên dê û bavên xwe ye; parastina xatirê akraba, cîran û dostên xwe ye; bîranîna miriyên xwe ya bi xêrê ye. Dema hevparbûna zarokan a ji şahiya cejnê re ye bi saya diyarî (hediye) yên ku em ê bidin wan, û dema hiştina şopên bedew e di hişê wan de. Dema birina qencî, aramî û ewlehiyê ye ji malên me dest pê bike heta kuçe, bajar, welat û hemû cîhanê."