Serokomarê Tirkîyê Recep Tayyîp Erdogan piştî civîna G-20î ya ku li Japonyayê hat tertîpkirin re daxuyanî da rojnamegeran. Erdogan di daxuyanîya ku da de derbarê şehadeta Şehîd Muhammed Mursîyê serokomarê meşrû yê Misirê de nirxandinan kir.

Erdogan di nirxandina xwe ya ku kir destnîşan kir “Di dema şehadeta Mursî de nêzî 50 deqîqeyan lê mudaxele nayê kirin. Ew nayê birin tiba edlî. Serê şeveqê weke ku tiştek bê dizîn bi şikleke veşartî tê definkirin. Nesla bê divê bizanin ka çi tişt bi serê lîderên Mislimanan de anîne. Hûn lê mêz dikin gazî Sîsî dikin da ku beşdarî vê civînê bibe. Hûn ji bo çi gazî dikin? Hûn e him bibêjin ez demokratîk im û him jî beşdarî civîna kesê ku 9 xortan îdam kiriye bibin.  Divê em vê durûtîyê îlanî temamê dinyayê bikin.”

ÎLKHA