Hat ragihandin li Basraya Iraqê gel ji ber ku  xizmet ji wan re nayê kirin xwe berdan kolanan û dest bi xwepêşanan kirin. Hêzên ewlehîyê yên Iraqê nikarin pêşîya xwepêşanên ku li Basrayê dest pê kirin bigirin. Piştî ku xelk li Basrayê xwe berda kolanan vêcar jî li Baxdaya paytexta Iraqê jî xelk bo protestoyan xwe berdan kolanan û dest bi xwepêşanan kirin.

Ji ber xwepêşanên ku belav dibin hikûmetê li cihên ku xwepêşan hene xeta înternetê qut kir. Her wisa hat ragihandin Konseya Ewlehîyê ya Neteweyî di bin serokatîya Haydar el-Îbadî de bi şikleke lezgîn civîya û li ser meseleya heyî nirxandinan kir.

Li gor agahîyên ku hatine wergirtin di xwepêşanên ku dest pê kirine de heta niha pêşandarek  jiyana xwe ji dest da û 50 pêşandar jî birîndar bûn.

Li Basrayê pêşandarên ku xwe berdan kolanan ji nebûna xizmetê û qutbûnên ceyranê banga îstîfayê li rayedaran kirin.

ÎLKHA