Li TOKÎya Oglakliya Amedê, li gel ku hejmara mizgeftan têrê nake, nevekiriina mizgeftên ku avakirina wan qediya ye jî dibe sedema mexdûriyetên mezin. Niştecihên TOKÎyê diyar dikin ku ji bo ku tenê weftek nimêjê di mizgeftê de bikin, neçar dimînin ku 3 kîlometre rê bimeşin.

Pirsgirêk û zehmetiyên malên TOKÎ yên li herêma Oglakliyê ku di sînorên navçeya Rezan (Bağlar) ya Amedê de ne, bi dawî nabin. TOKÎya Oglakliyê ya ku berê gelek caran bi pirsgirêkên wekî rê, av, elektrîk, binesazî û veguhastinê ketibû rojevê, vê carê jî bi kêmasiya mizgeftan dibe sedema mexdûriyetên nû.

Ali Kendi

"Bi kîlometreyan rê dimeşin û diçin mizgefteke din"

Ali Kendi, ku yek ji niştecihên TOKÎyê ye û li ser mexdûriyetên heyî axivî, wiha got: "Avakirina vê mizgeftê mehek e qediya ye; xalîçeyên wê hatine raxistin, lambayên wê hatine girêdan, lê av û elektrîka wê nehatine berdan. Jixwe ev mizgeft ji bo vê herêmê têrê nake. Etapên 2, 3, 4 û 5an hemû girêdayî vê derê ne. Tevî vê yekê jî mizgeft nehatiye vekirin.

Em bi kîlometreyan rê dimeşin û diçin mizgefteke din. Li wir jî cih teng e, em nikarin nimêja terawîhan bikin, rojên înê em li derve dimînin; em pir eziyet û zehmetiyê dikişînin. Ricaya me ji rayedaran ew e ku di zûtirîn dem de vê mizgeftê bidin xebatê. Di wextê fitarê de em dengê azanê nabihîzin; ji bo ku em bibihîzin, em derdikevin ser eywanan (balkon) û ber pencereyan.

Hacı Çetin Ayaz

"Em dixwazin nimêja Cejna Remezanê li mizgefta nêzî malên xwe bikin"

Hacı Çetin Ayaz destnîşan kir ku ew dixwazin nimêja Cejna Remezanê ya ku nêzîk dibe, di mizgeftên nêzî malên xwe de bikin û wiha got: "Sal û nîvek berê bingeha wê hat avêtin, hat çêkirin û îro her tiştê wê temam e, lê tê gotin ku Dîcle Elektrîk (DEDAŞ) enerjiyê nade mizgeftê. Daxwaza me ew e ku enerjî bê dayîn.

Ez ji bo nimêjên wextan, nimêja Înê û terawîhan 3 kîlometre rê dimeşim û diçim mizgeftê. Li wir jî cih tune ye, heta di hewşê de jî cih namîne. Cejna Remezanê tê, em ê nimêja xwe li kîjan derê bikin? Mirovên ji etapên 3, 4 û 5an hemû diçin wê mizgeftê. Li wê mizgeftê ne tenê cih tune ye, her wiha binê wê avê digire û xalîçeyên wê her tim şil dibin.

Hacı Muhammed Necaroğlu

"Mizgefta me amade ye, xalîçeyên wê hatine raxistin lê deriyan venakin û enerjiyê nadin"

Hacı Muhammed Necaroğlu, diyar kir ku li bajarekî wekî Amedê ku navenda baweriyê ye, kêşeya mizgeftan "eybeke mezin" e û wiha axivî:

"Mizgefta me amade ye, xalîçeyên wê hatine raxistin lê deriyên wê ji bo îbadetê venakin û enerjiyê nadinê. Em ji vir heta Mizgefta Rêyên Bejayî dimeşin, herkes diçe wê derê. Di bajarê pêxamber û sehabelan de heke mizgeft tune be, em ê çi bêjin? Min dît ku hinek kes hatine vir û notan digirin, min ji wan pirsî 'çima mizgeft nayê vekirin?', ji min re gotin ku 'me hîn destûra niştecihbûnê nestandiye'.

Yakup Atsız

"Ji ber dûrahiya mizgeftan têkiliya kal û pîran bi mizgeftê re qetiya ye"

Yakup Atsız bal kişand ser wê yekê ku ji ber dûrahiya mizgeftan, têkiliya hin kal û pîran (temenmezinan) bi mizgeftê re qetiya ye û destnîşan kir ku berpirsiyarên vê yekê tenê ew kes in ku di serê saziyên peywendîdar de ne. Atsız, di mijara vekirina mizgeftan de bal kişand ser astengiyên ku derdikevin pêşiya wan û wiha got:

"Ji ber ku mizgeft dûr in, mezinên me êdî nikarin herin îbadetê û têkiliya wan a bi mizgeftê re qut bûye. Berpirsê vê rewşê rêveberên saziyan in. Em li bendê ne ku ev astengî demildest werin rakirin û deriyên mizgeftan ji bo gel werin vekirin."

"Ji ber dûrahiya sê kîlometre û nîv, têkiliya mirovan bi mizgeftê re qetiya ye"

Yakup Atsız diyar kir ku rewşa vê mizgeftê her kesî aciz dike û wiha axivî: "Em 3-4 meh in li benda vekirina vê mizgeftê ne, lê em her tim bi astengiyan re rû bi rû dimînin. Tevî ku nîvê meha Remezanê derbas bûye jî, ev mexdûriyet hîn berdewam dike.

Mirovên me yên temenmezin û ciwanên me hene ku ji ber dûrahiya sê kîlometre û nîv, têkiliya wan bi mizgeftê re qetiya ye. Nîvê Remezanê çû, qenebe em cejnê li vir bikin û van 15 rojên mayî îbadetên xwe li vir bînin cih. Di rewşeke wisa de ku lûkseke me ya dûrketina ji mizgeftê tune ye, sankî ji bo em ji mizgeftê dûr bikevin astengiyan dixin pêşiya me. Her car derî li ser rûyê me tên girtin. Dibêjin 'her tişt temam e, lê ji ber ku dewr û teslîm nehatiye kirin, îmam nayê wezîfedar kirin û elektrîkê nadin'."

"Gerek berpirsiyar bizanibin ku dê di bin vî webalî de bimeşin"

Atsız wiha diyar kir: "Em mexdûr in û ji bo çareserkirina mexdûriyeta mirovan bang li rayedaran dikin; bila di zûtirîn dem de ev pirsgirêk werin çareserkirin û têkiliya mirovan bi mizgeftê re neqete. Çimkî ya ku me li ser piyan digire çanda me ye, ya ku bi çanda me re bûye yek jî dînê me ye.

Ji bo ku em îbadetên dînê xwe bînin cih, em naxwazin sê kîlometre û nîv rê herin. Wesayîta hinan heye, ya hinan tune ye. Webalê wan kesên ku wesayîta wan tune ye li ser stûyê kî ye? Rayedarên ku di wan meqaman de rûniştine, ji ber nevekiriina mizgeftê mecbûr in karê xwe bikin. Heke nikaribin kar û wezîfeya xwe bikin, bila bizanibin ku dê di bin vî webalî de bimeşin."

Mert Fermanoğlu

"Em nikarin perwerdehiya Quranê bibînin"

Mert Fermanoğlu bal kişand ser pirsgirêkên binesaziyê yên di mizgefta ku diçinê de û wiha got: "Li TOKÎya Oglakliyê tenê mizgeftek heye, ew jî 3 kîlometre dûr e. Di vê hewaya sar de çûn û hatin pir dijwar e. Binê mizgefta ku em diçinê her tim avê digire, ji ber wê yekê erd şil e. Di derketina mizgeftê de, ling û çokên me di nav şîliyê de, em di vê sermayê de neçar dimînin ku dîsa 3 kîlometre bimeşin.

Xalîçe hatine raxistin, sîstema deng hatîye çêkirin lê mizgeft bi tu awayî ji bo îbadetê nayê vekirin. Hemû etapên 2 û 3yan dixwazin werin vê mizgeftê."

Serkan Demiroğlu

"Mizgeft hatiye çêkirin lê av jê nayê, em nikarin dersên Quranê bibînin"

Serkan Demiroğlu jî wiha axivî: "Ev mizgeft ji zû ve hatiye çêkirin; xalîçeyên wê hatine raxistin, destşoyên (lavabo) wê hatine amadekirin lê av jê nayê. Mizgeftek hinekî dûr heye, lê her êvar çûna wê derê ya ji bo nimêja terawîhan pir zehmet e. Em nikarin perwerdehiya Quranê bibînin. Em dixwazin ev mizgeft were vekirin. Ji ber ku hemû niştecihên etapên din diçin wê mizgefta dûr, qelebalixî çêdibe û em nikarin bi rehetî nimêja xwe bikin."

oluyor.