Li ChristChurcha Zelandaya Nû êrîşa çekdarî li du camîyan hat kirin. Di êrîşa terorê ya ku di wextê nimêja înê hat kirin de 49 Misliman hatin şehîdkirin û 20 jê giran 48 Misliman jî birîndar bûn.

Îshak Saglamê Serokê Giştî yê HUDA PARê derbarê êrîşa terorê ya ku li Zelandaya Nû di camîyê de hat kirin de daxuyanî da.

Saglam di daxuyanîya ku ji ser medyaya civakî belav kir de diyar kir “Ez ji Xwedê ji wan birayên xwe yên ku li Zelandaya Nû di êrîşa ku li camîyê hat kirin de şehîd bûn re rehmet û ji bo yên birîndar jî şifayê teleb dikim. Di temamê dîrokê kesên ku ji Îslam û Mislimanan re dijminantî kirine tu carî fêde nedîne û ew ê îro jî nebînin. Zihniyeta Xerbê pêwîst e di serî de di perwerdehî û çapemenîyê de dev ji dijmintîya Îslamê berde; heke na ew ê agir bi her derê bikeve.”(ÎLKHA)