Serokê Herêma Kurdistanê pêşwaziya Parêzgerê Kerbelayê kir

Serokê Herêma Kurdistanê pêşwaziya Parêzgerê Kerbelayê kir

Nêçîrvan Barzanî Serokê Herêma Kurdistanê, pêşwaziya birêz Nesîf Casim Al Xitabî Parêzgerê Kerbelayê kir.

Di hevdîtinê de Parêzgerê Kerbelayê bi kurtî derbarê rewşa parêzgehê bi taybetî li rûyê geştiyariya olî ve zanyariyan pêşkêş kir û balkişand li ser wê yekê ku aramiya Kerbelayê, rê ji bo sermayeguzarî û veberhênana navxweyî û biyanî xweş dike û parêzgeh li proseyeke berdewam berfirehbûnê daye.

Her wiha Al- Xîtabî pesnê ezmûna serkeftiya kerta taybetî ya Herêma Kurdistanê ya li warê veberhênan û sermayeguzariyê da kir ku dikare ji bo Kerbela û parêzgehên dinên Iraqê jî sûd jê werbigrin.

Di beşeke din ê hevdîtinê de hemahengiya parêzgehan û Hikûmeta Federal û girîngiya parvekirina zêdetirê desthilatan ji bo parêzgehan xistin ber behs, heta bikarin xizmetên baştir pêşkêşî welatiyan bikin û kar û projeyan bi leztir encam bidin.

Di dawiya hevdîtinê de Serok Nêçîrvan Barzanî, vexwendineke Parêzgerê Kerbelayê ya ji bo serdana parêzgehê qebûl kir û hêvî xwest di demeke guncayî ya paşerojê de serdana Kerbelayê bike.(ÎLKHA)
 

 

Kaynak:Haber Kaynağı

HABERE YORUM KAT

UYARI: Küfür, hakaret, rencide edici cümleler veya imalar, inançlara saldırı içeren, imla kuralları ile yazılmamış,
Türkçe karakter kullanılmayan ve büyük harflerle yazılmış yorumlar onaylanmamaktadır.