Hat ragihandin Jîm Mattîsê Wezîrê Parastinê yê Amerîka piştî qerara Trump a vekişandina leşkeran a ji Sûrîyê dê di dawîya meha sibatê de dev ji wezîfê berde.

Agahîya dev ji karberdanê ji teref Jîm Mattîsê Wezîrê Parastinê yê Amerîka ve hat belavkirin. Mattîs di nameya ku nivîsand de destnîşan kir ew  ê di dawîya meha sibatê de dev ji wezîfê berde.

Tê diyarkirin Mattîs ji ber qerara Trump a vekişandina leşkerên Amerîka ji Sûrîyê û kêmkirina hejmara leşkerên Amerîka ya li Efxanistanê dev ji wezîfê berde.

Trump di daxuyanîya ku ji ser medyaya civakî belav kir de destnîşan kir Jîm Mattîs dê di dawîya meha sibatê de bi “dereceya şeref”ê teqawîd bibe.

ÎLKHA