Serekîya Karê Perwerdeyî ya HÜDA PARî, semedê bale bikişê serê wextê weçinayîşê dersanê bijeriyan û her dewrê ziwanê dayî de hîşmendîyêka komelkî awer bikê, Çolîg de panelê 'Ez Ziwanê Xo Weçinena' viraşt. Panel de bi serebûtê 'Inşayê nasnameyî de rola ziwanî' Dr. Mehmet Aslanoğullarî, serê 'Sîstemê mewcudî de weçinayîşê dersanê bijeriyan û problemanê ci' de Perwerdekar Mahmut Kaya û serê 'Perwerdeya ziwanê dayî de rola bunteyî (pîyaverdayîş)' de Mebusê Mersînî yê HÜDA PARî Faruk Dinçî her yewî pêşkêşîyêk kerd.

“Medenîyeta ma de dushmentîya ziwanî çin a”

Merdimî bi ziwanan dostîye nanê ro. Êyê ke dushmentîya ziwanî kenê, dushmentê esîl ê dostîye yê. Ê zalimê pîlî yê. Coka şarê ma kewto nê halê xirabî. Labelê medenîyeta ma de dushmentîya ziwanî çin a. Hetta Peyxamberê ma (s.a.v) sehabeyanê xo rê vato ke ‘ziwananê bînan zî bimusê’. Ziwanî ra zerar nîno, fayedê ci esto. Êyê ke ziwanî ferz kenê (daytma kenê); Îngilîstan, Almanya, Îtalya û Fransa yê. Ewropa de 280-290, Asya de 2 hezar û 300 ziwanî yenê qiseykerdene. Înan dushmentîya ziwanî kerd û maheyf, êyê ke verê coy welatê ma îdare kerdêne, rîyê xo çarna ê zaliman. La nika Xeze de maskeyê ê zaliman kewt û rîyê înan ê şeytanî vejîya meydan. Hetta ewro bi vateyanê weşan însanê ma xapînay, la ma vênenê ke dosyaya Epsteinî de çi wehşet û bêedebîye esta; edebê ma nêdano ma ke ma nê meseleyan qisey bikê.

Dinçî va: 'Ma pelanê tarîxî de vênenê ke birînê (dirbetê) dushmentîya ziwanî zaf giran ê û zereyê vaxtî de rehet nêbenê weş. Dushmentîya ke vera ziwan û qewman ameya kerdene, birîna aye xori ya. Înan daxilê domananê Musulmanan de fitne kerd û qelban de birînêka winasî akerde ke nêşîna rehet derman biba. Ma dewrê Osmanî de, wexto ke ma dushmentîya ziwanan nêkerdêne, 41 welatî sey birayan pîya ciwyayêne.'

"Ma nêweşîya nijadperestîye (irkçîtî) ya ke Efendîyê ma eştî binerê linganê xo, nêkenê tancê serê xo.

“Dushmentîya vera ziwanan, dushmentîya vera fitrat û teqsimatê Homayî ya”

“Dinçî bi misalê xweza (tebîat) qisey kerd û va: ‘Zafîye, dewletî (zengînî) ya. Dushmentîya vera ziwanan, dushmentîya vera fitratî ya. Ewro dınya de 11 hezar tewirî mirîçî estê û her yew bi vengêkî wanena. Reng û tewirê înan cîya-cîya yê. Ma însanî zî, reng û şeklê ma, hetta nîşana bêçıkanê (parmak izi) ma zî yewbînî ra cîya yê. Dushmentîya vera cîyatîya ziwanan, dushmentîya vera fitrat û teqsimatê Homayî ya.’

Dinçî dîyar kerd ke meqsedê nê programî pawitişê heq û hiquqê ziwanan o ke ê ayetê Homayî yê: ‘Ma sey HÜDA PARî nê panelî tenê seba ke ma Zaza yê nêvirajenê. Ma Musulman ê û ma heq û hiquqê ziwanan ê ke ayetê Homayî yê pawenê. Ma hem ziwanê xo hem zî dînê xo rê wayîr vejîyenê. Ma nêweşîya nijadperestîye (irkçîtî) ra dûrî vindenerê. Ma nêweşîya nijadperestîye ya ke Efendîyê ma eştî binerê linganê xo, nêkenê tancê serê xo. Musulman gerek nêheqîye her kî de bivîno, verba ci vindero.’

Mebus Faruk Dinçî qiseyê xo winasî qedînay: ‘Wexto ke bi Kurdkî qisey beno, vanê ‘ma nêfam kenê’. Eke şima Japonkî yan zî Îngilîzkî nêzanê, yanê ê ziwanî çin ê?’

Eke ma ziwanan çîn bihesibnê, ma domananê welatê xo kenê dushmentê memleketî”

“Dinçî bi qiseya Cengê Hendekî mîsal da û va: ‘Cengê Hendekî de Peyxamberê ma qîymet da fîkrê Selman-î Farîsî û bi nê tewirî seyra cengî vuriya. Kesî nêva ‘o Farisî yo, ma goş nêdê ci’; qîymet dîya ci û fîkrê ey ameye kerdene. Yanê çend ziwanî bibê, hende zengînî ya. Kes ziwanê xo yê dayî (maderî) çend weş bizo, ziwanê resmî yê welatî zî hende weş fam keno. Mesela Meclîs de wexto ke bi Kurdkî qisey beno, vanê ‘ma nêfam kenê’, hele ke Zazakî qet nêfam kenê. Ziwanê ke nêfam kenê, ey çîn (yok) hesibnenê. Ez zî vana; eke şima Japonkî yan zî Îngilîzkî nêzanê, no yeno na mana ke ê ziwanî çîn ê? Mantîqêka winasî nêbena.’

Dinçî qiseyê xo winasî qedînay: ‘Eke ma ziwanan çîn bihesibnê, enerjîyêka negatîf vejîyena meydan û ma domananê welatê xo kenê dushmentê memleketî. Gerek ma ney bi hestîyan (duygusal), bi aqlo selîm bifikirîyê. Gerek ma fayed û zerarê ney bipiwê û winasî nêzdîyê meseleyan bibê.